Full Online Books
BOOK CATEGORIES
Authors Authors Short Stories Short Stories Long Stories Long Stories Funny Stories Funny Stories Love Stories Love Stories Stories For Kids Stories For Kids Poems Poems Essays Essays Nonfictions Nonfictions Plays Plays Folktales Folktales Fairy Tales Fairy Tales Fables Fables Learning Kitchen Learning Kitchen
LINKS
Valid XHTML 1.0 Transitional Free Classified Website Without Registration Free Classified Website Daniel Company
Twitter Twitter Add book
donate
Full Online Book HomePoemsTime And Tide
Famous Authors (View All Authors)
Time And Tide Post by :pureprofits Category :Poems Author :George Macdonald Date :January 2011 Read :1975

Click below to download : Time And Tide (Format : PDF)

Time And Tide

As I was walkin on the strand,
I spied ane auld man sit
On ane auld black rock; and aye the waves
Cam washin up its fit.
His lips they gaed as gien they wad lilt,
But o' liltin, wae's me, was nane!
He spak but an owercome, dreary and dreigh,
A burden wha's sang was gane:
"Robbie and Jeanie war twa bonnie bairns;
They playt thegither i' the gloamin's hush:
Up cam the tide and the mune and the sterns,
And pairtit the twa wi' a glint and a gush."

"What can the auld man mean," quod I,
"Sittin o' the auld black rock?
The tide creeps up wi' a moan and a cry,
And a hiss 'maist like a mock!
The words he mutters maun be the en'
O' some weary auld-warl' sang--
A deid thing floatin aboot in his brain,
'At the tide 'ill no lat gang!"
"Robbie and Jeanie war twa bonnie bairns;
They playt thegither i' the gloamin's hush:
Up cam the tide and the mune and the sterns,
And pairtit the twa wi' a glint and a gush."

"Hoo pairtit it them, auld man?" I said;
"Was't the sea cam up ower strang?
Oh, gien thegither the twa o' them gaed
Their pairtin wasna lang!
Or was are ta'en, and the ither left--
Ane to sing, are to greit?
It's sair, I ken, to be sae bereft--
But there's the tide at yer feet!"
"Robbie and Jeanie war twa bonnie bairns,
And they playt thegither i' the gloamin's hush:
Up cam the tide and the mune and the sterns,
And pairtit the twa wi' a glint and a gush."

"Was't the sea o' space wi' its storm o' time
That wadna lat things bide?
But Death's a diver frae heavenly clime
Seekin ye neth its tide,
And ye'll gaze again in ither's ee,
Far abune space and time!"
Never ae word he answered me,
But changed a wee his rime:
"Robbie and Jeanie war twa bonnie bairns,
And they playt thegither upo' the shore;
Up cam the tide and the mune and the sterns,
And pairtit the twa for evermore."

"May be, auld man, 'twas the tide o' change
That crap atween the twa?
Hech! that's a droonin fearsome strange,
Waur, waur nor are and a'!"
He said nae mair. I luikit, and saw
His lips they couldna gang:
Death, the diver, had ta'en him awa,
To gie him a new auld sang.
Robbie and Jeanie war twa bonnie bairns,
And they playt thegither upo' the shore:
Up cam the tide and the mune and the sterns,
And souft them awa throu a mirksome door!


(The end)
George MacDonald's poem: Time And Tide

If you like this book please share to your friends :
NEXT BOOKS

The Waesome Carl The Waesome Carl

The Waesome Carl
There cam a man to oor toon-en', And a waesome carl was he,Snipie-nebbit, and crookit-mou'd, And gleyt o' a blinterin ee.Muckle he spied, and muckle he spak, But the owercome o' his sang,Whatever it said, was aye the same:-- There's nane o' ye a' but's wrang! Ye're a' wrang, and a' wrang, And a'thegither a' wrang: There's no a man aboot the toon But's a'thegither a' wrang.That's no the gait to fire the breid, Nor yet
PREVIOUS BOOKS

A Sang O' Zion A Sang O' Zion

A Sang O' Zion
Ane by ane they gang awa;The getherer gethers grit and sma':Ane by ane maks ane and a'!Aye whan ane sets doon the cupAne ahint maun tak it up:A' thegither they will sup!Golden-heidit, ripe, and strang,Shorn will be the hairst or lang:Syne begins a better sang!(The end)George MacDonald's poem: Sang O' Zion
NEXT 10 BOOKS | PREVIOUS 10 BOOKS | RANDOM 10 BOOKS
LEAVE A COMMENT